THF Announcement: E-books update:31/7/2016 *தாகூரின் தமிழ்க் கீதாஞ்சலி

0 மறுமொழிகள்
வணக்கம்

தமிழ் மரபு அறக்கட்டளை மின்னூல்கள் சேகரத்தில் இன்று ஒரு புதிய மொழிபெயர்ப்பு  நூல் மின்னூல் வடிவில் இணைகின்றது.

நூல்:  தாகூரின் தமிழ்க் கீதாஞ்சலி
ஆசிரியர்:   சி.ஜெயபாரதன், கனடா



நூலைப்பற்றி:

இது கவிஞர் தாகூரின் கீதாஞ்சலியின் தமிழ் மொழி பெயர்ப்பு.

தமிழ் மரபு அறக்கட்டளை மின்னூல்கள் நூல் வரிசை: 455

இந்த நூலை நமது மின்னூல் சேகரத்திற்காக வழங்கியவர்: திரு.சி.ஜெயபாரதன், கனடா 
மின்னாக்கம், மின்னூலாக்கம்: திரு.சி.ஜெயபாரதன், கனடா 
அவருக்கு தமிழ் மரபு அறக்கட்டளையின் நன்றி.


அன்புடன்
முனைவர்.சுபாஷிணி  
[தமிழ் மரபு அறக்கட்டளை]​​​​


மண்ணின் குரல்: ஜூலை 2016: தளவானூர் குடைவரைக்கோயில் (சிவன்)

0 மறுமொழிகள்
வணக்கம்.

தமிழ் மரபு அறக்கட்டளையின் விழியப் பதிவு ஒன்று இன்று வெளியீடு காண்கின்றது. 




 
பல்லவ மன்னன் மகேந்திரவர்மன் கி.பி 6ஆம்  நூற்றாண்டில் ஆட்சி செய்தவன். 
மகேந்திரவர்மன் எழுப்பிய கோயில்கள் இன்றும் தமிழகத்தின் கோயில் கட்டுமானக் கலைக்குத் தனிச்சிறப்பை வழங்கி நிற்கின்றன.   
 
பல்லவ மன்னன் மகேந்திரவர்மன் முதலில் சமண மதத்தைச் சார்ந்திருந்தான்பி என்றும் பின்னர் சைவசம்யத்தின் பால் ஈர்க்கப்பட்டு சைவ சமயத்திற்கு மதம் மாறினால் அக்காலகட்டத்தில் அவன் கட்டிய கற்குகைக் கோயில்கள் மிகச் சிறப்பானவை. மண்டகப்பட்டில் உள்ள மும்மூர்த்தி கோயிலும், சித்தன்னவாசலில் உள்ள சமணர் கோயிலும் மகேந்திரவர்மன் காலத்தில் குடையப்பட்டவை ஆகும்.   அதோடு, பல்லாவரம், வல்லம், தளவானூர், திருக்கழுக்குன்றம், திருச்சிராப்பள்ளி ஆகிய இடங்களில் மேலும் சில சிவன் கோயில்களையும்,  மாமண்டூர், மகேந்திரவாடி, சிங்கவரம், நாமக்கல் என்னும் இடங்களில்  பெருமாளுக்கு குடைவரைக் கோயில்களையும் கட்டினான்.

​இன்றைய விழியப் பதிவு தளவானூர்  குடைவரைக் கோயிலைப் பற்றிய தகவல்களை வழங்குகின்றது.


விழியப் பதிவைக் காண:   http://video-thf.blogspot.de/2016/07/blog-post_23.html
யூடியூபில் காண:  https://www.youtube.com/watch?v=im4edFGaM3w&feature=youtu.be

பார்த்து கருத்துக்கள் பகிர்ந்து கொள்க!

இந்தப்  பதிவை செய்ய உதவிய நண்பர்கள் பேராசிரியர் ரமேஷ், திரு.கோ.செங்குட்டுவன் ஆகியோருக்குத் தமிழ் மரபு அறக்கட்டளையின் நன்றி.

அன்புடன்
முனைவர்.சுபாஷிணி
[தமிழ் மரபு அறக்கட்டளை] ​


கூகள்(Google) கலாச்சர மையத்துடன் புரிந்துணர்வு ஒப்பந்தம்

0 மறுமொழிகள்
தமிழ் மரபு அறக்கட்டளை - கூகள்(Google) கலாச்சர மையத்துடன் புரிந்துணர்வு ஒப்பந்தம் கையெழுத்தானது!

தமிழ் மரபு அறக்கட்டளை நண்பர்களுக்கு வணக்கம்.
தமிழ் மரபு அறக்கட்டளையின் வரலாற்று, ஆவண பாதுகாப்பு மின்னாக்கத்திட்டத்தின் தொடர் நடவடிக்கைகளில் ஒன்றாக இன்று கூகள் நிறுவனத்தில் கூகள் கலாச்சார மையத்துடன் (Google Cultural Institute) தமிழ் மரபு அறக்கட்டளை புரிந்துணர்வு ஒப்பந்தம் கையெழுத்திட்டிருக்கின்றோம் என்ற நற்செய்தியை மகிழ்ச்சியுடன் பகிர்ந்து கொள்கின்றேன்.

இந்தப் புரிந்துணர்வு ஒப்பந்தத்தின் படி தமிழ் மரபு அறக்கட்டளையின் தேர்ந்தெடுக்கப்பட டிஜிட்டல் ஆவணங்கள் கூகள் கலாச்சார மையத்தில் தனிப்பகுதியில் வெளியிடப்படும். இவை கூகள் நிறுவனத்தால், இணைய வாசிப்பாளர்களை அணுகும் வகையில் எல்லா ஏற்பாடுகளையும் கூகள் நிறுவனமே பொறுப்பெடுத்துக் கொள்ளும்.

இதற்காக ஒரு பிரத்தியேகக் குழுவை நாம் அமைக்கின்றோம். இந்தச் செயற்பாடு தொடர்பான தொடர் நடவடிக்கைகளை அவ்வப்போது பகிர்ந்து கொள்கின்றேன்.

கூகள் நிறுவனத்தார் தமிழ் மரபு அறக்கட்டளையின் பணிகள் மீது கொண்டிருக்கும் நம்பிக்கையும் ஆர்வமும் மகிழ்ச்சியளிக்கின்றது.

இது தமிழ் மரபு அறக்கட்டளையின் பயணத்தில் ஒரு முக்கிய மைல்கல்.
நமது பணிகளை இனிதே தொடர்வோம்!

என்றும் அன்புடன்
முனைவர்.சுபாஷிணி
[தமிழ் மரபு அறக்கட்டளை]


மின்தமிழ்மேடை வெளியீடு: காட்சி 2 ஜூலை 2016

0 மறுமொழிகள்
வணக்கம்.

தமிழ் மரபு அறக்கட்டளையின் பல்வேறு தொடர் நடவடிக்கைகளில் இணையும் ஒரு அங்கமாக நமது மின்னிதழ் வெளியீடு அமைகின்றது. 

காலாண்டு இதழாக ​கடந்த ஆண்டு ஏப்ரல் முதல் ​வெளிவ​ரும் இந்த மின்னிதழில் தமிழ் மரபு அறக்கட்டளையின் மடலாடற் குழுமமான மின்தமிழில் வெளியிடப்பட்ட சிலதேர்ந்தெடுக்கப்பட்ட பதிவுகள் தொகுக்கப்பட்டு வெளியிடப்படு​கின்றன.

இந்தக் காலாண்டின் மின்னிதழ் இன்று  வெளியீடு காண்கின்றது.







​இதழை வாசிக்க!​


இந்த வெளியீட்டின் கருப்பொருளாக அமைவது "தேமதுரத் தமிழோசை உலகமெலாம் பரவும் வகை செய்தல் வேண்டும் " என்பதாகும். 

நம் மின்னிதழை வாசித்து கருத்து பகிர்ந்து கொள்க!

அன்புடன்
முனைவர் சுபாஷிணி
[தமிழ் மரபு அறக்கட்டளை]​


மண்ணின் குரல்: ஜூலை 2016: நாமக்கல் ஸ்ரீலட்சுமி நரசிம்மர் குடைவரைக் கோயில்

0 மறுமொழிகள்
வணக்கம்.

தமிழ் மரபு அறக்கட்டளையின் விழியப் பதிவு ஒன்று இன்று வெளியீடு காண்கின்றது. 




நாமக்கல் நகரில் உள்ள நாமகிரி என்னும் மலையில்  இரண்டு  குடைவரைக் குகைக் கோயில்கள் உள்ளன.  இம்மலையில் கிழக்குப் பகுதியில் ஸ்ரீரங்கநாதர் குகைக் கோயிலும் மேற்குப் பகுதியில் ஸ்ரீ நரசிம்மசுவாமி குகைக் கோயிலும் உள்ளன. இவ்விரு குகைக் கோயில்களும் கி.பி. 8ம் நூற்றாண்டில் அதியமான் பரம்பரையைச் சேர்ந்த சோமன் என்னும் அதியேந்திரன் குடைவித்தமையாகும். இவை பின்னர் நாயக்க மன்னர்கள் காலத்தில் மிகச் சிறப்பாக விரிவாக்கம் செய்யப்பட்டு கட்டப்பட்டது. 

​இன்றைய விழியப் பதிவு இக்கோயிலைப் பற்றிய தகவல்களை வழங்குகின்றது.



விழியப் பதிவைக் காண:  http://video-thf.blogspot.de/2016/07/blog-post.html
யூடியூபில் காண: https://www.youtube.com/watch?v=lmKCu6OuuaY&feature=youtu.be

பார்த்து கருத்துக்கள் பகிர்ந்து கொள்க!

இந்தப்  பதிவை செய்ய உதவிய நண்பர்கள் செவாலியர்.டாக்டர்.மதிவாணன், திருமதி.பவளசங்கரி ஆகியோருக்குத் தமிழ் மரபு அறக்கட்டளையின் நன்றி.

விழியப் பதிவில் உள்ள தகவல்கள் குறிப்பு: தமிழ்நாட்டின் தல வரலாறும் பண்பாட்டுச் சின்னங்களும். நூலாசிரியர் வீ.கந்தசாமி.

அன்புடன்
முனைவர்.சுபாஷிணி
[தமிழ் மரபு அறக்கட்டளை] ​


மண்ணின் குரல்: ஜூலை 2016 - கோப்பன்ஹாகன் அரச நூலக தமிழ் ஓலைச்சுவடி மின்னாக்கம்

2 மறுமொழிகள்
ஃபெட்ணா 2016 - வட அமெரிக்காவின் நியூ ஜெர்சியில் வெளியிடப்பட்ட வீடியோ பதிவு.
https://www.youtube.com/watch?v=7XLok8eprhY&feature=youtu.be
THF:Tamil Palm Leaf manuscripts in Copenhagen, Denmark





















​நண்பர்களுக்கு வணக்கம்.

கடந்த 4 நாட்கள் தமிழ் மரபு அறக்கட்டளையின் வரலாற்றில்  சிறப்பானவை.

டென்மார்க் கோப்பன்ஹாகன் அரச நூலகத்தின் கீழ்க்காணும் ஓலைச்சுவடிகள் மின்னாக்கம் செய்யப்பட்டுள்ளன. 

Collections at the Royal Library, Copenhagen:
Palm Leave Manuscripts, digitized by Dr.K.Subashini (Tamil Heritage Foundation – THF) on the 26 – 28th May 2016
1.      விக்கிரமாதித்தன் கதை 194 leaves
2.      வீரமாரன் கதை, 110 leaves
3.      தேரூர்ந்த சோழன் கதை
4.      Historia regum Soræ, சோழ ராஜியம் 54 leaves
5.      Narrationum collectio, 62 leaves
6.      பரபாசுரன் கதை 10 leaves
7.      கபிலை வாசகம்
8.      நல்வழிஆத்திச்சுடி இன்ன பிற 54 leaves
9.      சிவவாக்கியர் பாடின விருத்தம்
10.  Carmina moralia கணேசர் துதி
11.  நிகண்டு
12.  வைத்திய திரட்டு சிந்தாமணி 146 leaves
13.  திருமூலர் எண்ணூறு திரட்டு
14.  பஞ்சாங்கம் 66 leaves
15.  நட்சேத்திர சாஸ்திரம்
16.  Varia, 62 leaves, Christian compositions in Tamil)
17.  Part 1 - First letter of John (16 leaves),
18.  Part 2 - Jnanathin Postaham (10 leaves)
19.  தர்க்க சாஸ்திரம் 26 leaves
20.  Christian doctrines (22 leaves)
21.  Ziegenbalg: Letter from God to the Tamilians (பராபர வஷ்த்துவாகிற சறுவேசுரன் சொழமண்டலத்தில் வசமாயிருக்கிற தமிளரெல்லாருக்கும் எழுதி அனுப்பின நிருபம்) (62 leaves)
22.  Ziegenbalg, Way to Paradise (17 leaves)
23.  ஆணி மாதத்தில் அழகப்பன் (சீகன்பால்க் உதவியாளர்) எழுதிய டைரி, - 1742(56 leaves)
24.  ஆடி மாதத்தில் அழகப்பன் (சீகன்பால்க் உதவியாளர்) எழுதிய டைரி, - 1742(56 leaves)
25.  புரட்டாசி மாதத்தில் அழகப்பன் (சீகன்பால்க் உதவியாளர்) எழுதிய டைரி, - (24 leaves)
26.  மார்கழி மாதத்தில் சின்னப்பன் (உதவியாளர்) எழுதிய டைரி, -1740 (26 leaves)
27.  மாசி மாத டைரி - 1742 (12 leaves)
28.  வைத்தியம் -குறிப்புக்கள் 182 leaves
29.   ”jnAnaththil therinjirukkira periyavargal chonna budhdhiyai kEl” (ஞானத்தில் தெரிஞ்சுருக்கிற பெரியவர்கள் சொன்ன புத்தியை கேள்); (Moral rules for Christians); 172 leaves
30.  “Moothurai” (ஆதினாயனையடி பணிந்தேத்த மூதுரையானது முப்பது வருமே); 10 leaves
31.  Oratio Dominica; Lord’s Prayer in Telugu and Tamil. 12 leaves; Dated 11 August 1742. (Benjamin Schultz?)
32.  புதுப்பிராத்தினை -Hymns based on Paul’s letters to Colossians.16 leaves; Dated 8 December 1748
33.  Cod. Tamul 22 (UB): Epistolam II ad Corinthios (Westergaard). Pauls second letter to the Corinthians. 48 leaves;
34.  சீகன்பால்க் உதவியாளர் எழுதிய  டைரி 14 – 15 December 1742. 64 leaves
35.  சீகன்பால்க் உதவியாளர் எழுதிய  டைரி. 80 leaves
36.  மாசி மாதத்தில் சீகன்பால்க் உதவியாளர் எழுதிய  டைரி.  1758 (Feb.-Mar. 1758); 28 leaves
37.  Cod Tam 24 - சீகன்பால்க் உதவியாளர் எழுதிய  டைரி. 90 leaves;
38.  ஐப்பசி மாதத்தில் சீகன்பால்க் உதவியாளர் சாமிதாசன் எழுதிய  டைரி. October, 1742  22 leaves

இவை தொடர்பான அடுத்த கட்ட நடவடிக்கைகள் பற்றிய செய்திகளை படிப்படியாக பகிர்ந்து கொள்கிறேன்.


அன்புடன்
சுபா


 

Copyright 2008 Tamil Heritage Foundation. All Rights Reserved. Designed by LIMATION TECHNOLOGIES